अशी करा भोगवटादार वर्ग -2 ची जमीन वर्ग-1 मध्ये रूपांतरित | अर्ज कसा करावा? भोगवटादार वर्ग 2 चे वर्ग 1 मध्ये रूपांतर |

भोगवटादार वर्ग 2 चे वर्ग 1 मध्ये रूपांतर : आज आपण बघणार आहोत की भोगवटादार वर्ग-2 ची जमीन वर्ग -1 मध्ये रूपांतरित कशी करायची.

लेख शेवटपर्यंत वाचा व आवडल्यास शेअर नक्की करा.

Table of Contents

वर्ग-1 आणि वर्ग-2 ची जमीन म्हणजे काय?

तुमच्या जमिनीची भूधारणा कोणत्या पद्धतीची आहे त्याची माहिती तुमच्या सातबारा उताऱ्यावर नमूद केलेली असते.

भोगवटादार वर्ग-1: ज्या जमिनींचे हस्तांतरण करण्यावर शासनाचे निर्बंध नसतात, अशा जमिनी भोगवटादार वर्ग-1 मध्ये येतात. अशा जमिनींचा मालक हा शेतकरी असतो.

भोगवटादार वर्ग-2: ज्या जमिनींच्या हस्तांतरणावर शासनाचे निर्बंध असतात. अशा जमिनी भोगवटादार वर्ग-2 मध्ये येतात. या जमिनी शासनाकडून मिळालेल्या असल्यामुळे सरकारी अधिकार्‍याच्या परवानगी शिवाय या जमिनींचे हस्तांतरण करता येत नाही.

हे वाचले का? Legal Services Authorities तुमची कोर्ट केस लढण्यासाठी येथे मिळतात मोफत वकिल आणि सल्ला

भूमिहीन शेतकऱ्यांना वाटप केलेल्या जमिनी, देवस्थान इनाम जमिनी यांचा समावेश यामध्ये होतो.

भोगवटादार वर्ग 2 चे वर्ग 1 मध्ये रूपांतर: अर्ज कसा करायचा?

सरकारने 8 मार्च 2019 रोजी महाराष्ट्र जमीन महसूल (भोगवटादार वर्ग 2 आणि भाडेपट्ट्याने प्रदान केलेल्‍या जमिनी भोगवटादार वर्ग 1 मध्ये रूपांतरित करणे) नियम, 2019 प्रसिद्ध केला.

महाराष्ट्र जमीन महसूल नियमानुसार शासनाने ज्या जमिनी रहिवासी, वाणिज्यिक, कृषिक किंवा औद्योगिक वापरासाठी दिलेल्या आहेत त्या जमिनींचे रूपांतर वर्ग 1 मध्ये करता येते.

जर भोगवटादार वर्ग 2 चे वर्ग 1 मध्ये रूपांतर करायचे असेल तर त्यासाठी तहसील कार्यालयात तहसीलदारांकडे अर्ज करता येतो.

अर्जाचा नमुना डाउनलोड करण्यासाठी खालील लिंक वर क्लिक करा.

अर्ज नमुना pdf

वर्ग 2 चे वर्ग 1 मध्ये रूपांतरण करण्यासाठी किती नजराणा द्यावा लागतो?

जे खंडकरी शेतकरी आहे, त्यांच्या जमिनी वर्ग 2 मधून वर्ग 1 मध्ये करण्यासाठी कोणताही नजराणा आकारला जाणार नाही, परंतु इतर भूमिहीन शेतकऱ्यांना सरकारने ज्या जमिनी दिल्या आहे त्या वर्ग 2 मधून वर्ग 1 मध्ये करताना जो काही दर असेल त्यानुसार नजराणा आकारला जाईल, असे सरकारने स्पष्ट केले आहे.

वाणिज्यिक किंवा औद्योगिक कामासाठी भाडे पट्ट्याने किंवा कब्जेहक्काने जमीन धारण केलेली असेल तर चालू वर्षी जमिनीचा जो काही दर असेल त्याच्या बाजारभावाप्रमाणे 50% रक्कम नजराणा म्हणून शासनाकडे जमा करावी लागते.
जर कब्जेहक्काने धारण केलेली जमीन रहिवासी वापरासाठी असेल, ते जमिनीच्या चालू वर्षाच्या बाजारभावाप्रमाणे 15% रक्कम नजराणा म्हणून शासनाला द्यावी लागते.
जर भाडे पट्ट्याने धारण केलेली जमीन रहिवासी वापरासाठी असेल, ते जमिनीच्या चालू वर्षाच्या बाजारभावाप्रमाणे 25% रक्कम नजराणा म्हणून शासनाला द्यावी लागते.
प्रदान केलेलि जमीन कृषिक असेल तर् जमिनीचा चालू वर्षाचा जो कही बाजारभाव असेल त्याच्या 50% रक्कम नजराणा म्हणून शासनाला द्यावी लागते.

हे वाचले का? CAA: Citizenship Amendment Act म्हणजेच नागरिकत्व दुरुस्ती कायदा काय आहे?