Aamdar Vikas Nidhi माहिती–
महाराष्ट्राच्या विधिमंडळात विधानसभा आणि विधानपरिषद ही दोन सभागृहे आहेत. विधानसभेत २८९ आणि विधानपरिषदेत ७८ Aamdar आहेत. ही एकूण संख्या होते ३६७ इतकी.
या सर्व आमदारांना प्रत्येक वर्षाला प्रति Aamdar एक कोटी (अलिकडेच वाढीव घोषणा झाली आहे प्रतिवर्षी दीड कोटी इतका निधी देण्याची ) इतका विकास निधी (Aamdar Vikas Nidhi) मिळतो.
या निधीमधून आमदार त्यांना योग्य वाटेल अशा विकास कामासाठी निधी देऊ शकतात. हा सर्वस्वी आमदारांच्या इच्छे नुसार वितरीत होते. मात्र या वितरणावर जिल्हाधिकारी यांचे नियंत्रण असते.
तसेच या निधीच्या दैनंदिन व्यय व्यवस्थापनाचे काम जिल्हाधिकाऱ्यांच्या कार्यकक्षेतील जिल्हा नियोजन समितीकडे असते. परंतु हा विकास निधी कोणत्या सार्वजनिक कामासाठी द्यावा. कधी द्यावा, किती द्यावा हे सर्वस्वी आमदार महोदयांच्या इच्छेनुसार ठरते.
महाराष्ट्राच्या विधीमंडळातील हाताच्या बोटावर मोजता येतील इतकेच लोकप्रतिनिधी सोडले तर या निधीचा वापर करताना बहूतांश आमदारांनी व्यापक सार्वजनिक हिताला हरताळ फासून आपल्या नातलगांचे हित, आपल्या कार्यकर्त्यांचे हित,आपल्या पक्षाचे हित आणि आपणच पोसलेल्या कंत्राटदाराचे हित पाहतात. असा आजवरचा अनुभव आहे.
आमदार हे खरे तर जनतेचे प्रतिनिधी आहेत. त्यांनी घेतलेल्या विकास निधीच्या खर्चात खरे तर जनतेच्या विकासाचे प्रतिबिंब दिसायला हवे. परंतु बरेच आमदार या निधीचा मनमानी असा वापर करताना दिसत आहेत.
मुंबई काही माहिती अधिकार कार्यकर्त्यांनी या आमदारांच्या विकास निधी ची माहिती अधिकार कायद्यान्वये मागवली असता त्यात आश्चर्यकारक अशी अनियमिता आढळली.
अंगणवाडीच्या नावाने बांधलेल्या इमारतीत सदरील आमदारांच्या पक्षाचे कार्यलय काही कार्यकर्ते चालवत असलेले आढळून आले. तसेच आमदार निधीच्या खर्चातही मोठी संधिग्धता असलेले दिसून आले.
आमदार निधी जरी आमदारांनी स्वच्छेने वापरायचा निधी असला तरी तो खऱ्या अर्थाने जनतेचा पैसा आहे. जनतेला दरवर्षी खर्च होणाऱ्या पाचशे कोटी रुपयांचे होते तरी काय याचा हिशेब मागण्याचा पूर्ण अधिकार आहे.
म्हणून माहिती अधिकार या कायद्याचा वापर करून आरटीआय कार्यकर्त्यांनी या निधीचा (Aamdar Vikas Nidhi) हिशेब तपासून या निधीच्या विनीयोगात आधिक पारदर्शकता कशी आणता येईल ? हे पाहीले पाहिजे.
Aamdar Vikas Nidhi विषयी खालील प्रमाणे माहिती मागावी–
आमदार विकास निधीचा हिशेब तपासण्यासाठी माहिती अधिकाराचा नमूना–
अर्जावर वरिल बाजूस केंद्रीय माहितीचा अधिकार अधिनियम २००५ अनुसार अर्ज. (जोडपत्र “अ” नियम ३ पहा )
प्रति,
जनमाहिती अधिकारी
जिल्हाधिकारी कार्यालय
.. ………………- जिल्हा.
१) अर्जदाराचे नांव………………………………………………….
२) अर्जदाराचा पूर्ण पत्ता :………………………………………..
३) माहितीचा विषय……………………….या मतदार संघातील आमदारांच्या विकास निधीची माहिती.
४) माहितीचे वर्णन आणि कालावधी (खालील मुद्याप्रमाणे) ……………… श्री / श्रीमती ………….. यांच्या मतदारसंघातील आमदारांच्या पासून…………. आज तारखेपर्यंतच्या आमदार विकास निधीचा मंजूरी, विकास कामे, खर्च व नियमनाची खालील मुद्येनिहाय माहिती मिळणे बाबत.
अ) आमदार निधीतून कोणकोणती कामे पूर्ण करण्यात आली कोणकोणती कामे चालू आहेत, कोणकोणती कामे प्रस्तावित आहेत. प्रत्येक विकास कामावर किती निधी खर्च झाला आहे,होत असलेल्या खर्च झालेला वर्ष निहाय निधी तसेच न वापरलेला शिल्लक निधी माहिती द्यावी.
ब) आमदार विकास निधीचे प्रत्येक काम कोणत्या ठेकेदारास देण्यात आले होते त्या साठी निविदा मागविलया असल्यास प्रत्येक कामाच्या निविदांचा तुलनात्मक तक्ता द्यावा.
क) आमदार विकास निधी वापर कोणत्या कारणासाठी व कसा करावा या विषयीचे शासनाचे नियम,नियमन, कायदा किवां अद्यादेश यांच्या सत्यप्रती उपलब्ध करुन द्याव्यात.
ड) आमदारांनी विकासकामासाठी विनंती किंवा आदेश दिल्यानंतर काम पूर्ण होईपर्यंत कामाची प्रक्रिया कशी असते. कामाची मंजूरी ते काम पूर्ण होईपर्यतचे निकष काय असतात याची माहिती देण्यात यावी.
ई) आमदार विकास निधीमधून कोणकोणती कामे करावीत याचे काही प्राधान्यकम शासनाने ठरवले असल्यास त्याविषयी माहिती देण्यात यावी.
माहितीचा अधिकार नमुना अर्ज–
माहितीचा अधिकार नमुना अर्ज डाऊनलोड करण्यासाठी येथे क्लिक करा
आमचे लेख मिळवण्यासाठी फॉलो करा : फेसबुक | टेलिग्राम | ट्विटर | इन्स्टाग्राम | YouTube
कायदे विषयक माहिती पुस्तके, PDF, GR मिळवण्यासाठी टेलिग्राम चॅनल जॉइन करण्यासाठी येथे क्लिक करा.
आमच्या YouTube channel माहिती असायलाच हवी नक्की भेट द्या.
हे ही वाचा
- What is Zero FIR?, Zero FIR म्हणजे काय?
- पोलीस पाटील म्हणजे गावातील चालते बोलते गृह खाते.
- “ग्रामपंचायती वरील ‘पतिराज’ आता संपणार” ग्रामपंचायत पंचायत समिती जिल्हा परिषद मध्ये नातेवाईक हस्तक्षेप केल्यास सदस्य पद रद्द होणार.
- Ambulance चालक करत असलेली लुट आता थांबणार | Ambulance Rate Chart |
व्हिडिओ पाहन्यायासाठी येथे क्लिक करा